Petite épistre au Roy
En m’esbattant je faiz rondeaulx en rime
Et en rimant bien souvent je m’enrime ;
Brief, c’est pitié d’entre nous rimailleurs,
Car vous treuvez assez de rime ailleurs
Et quand vous plaist, mieulx que rimassez
Des biens avez et de la rime assez ;
Mais moy, à tout ma rime et ma rimaille
Je ne soustiens (dont je suis marry) maille.
Or ce me dit (ung jour) quelque rimart :
Vien ça, Marot, treuve tu en rime art
Qui serve aux gens, toy qui a rimassé ?